Marie Marie… Akt. v. 7.10.23
Marie, Maogd up Brows Haowe, mögg doch denn Jan so gern liern. Wenn dor Gelägenheit tou wör, vesöchde sei üm so´n bäten antoumaoken.
Eines Daoges kreeg sei üm bi´t Inricken vanne Weide toupacken. Fraidig pück sei um ümme un straohlde: „Och is dat schön, dat gaiht mi dör un dör. Ick weit nich, wi dat kann“ sä Marie.
„Aower ick weit dat wull“, sä Jan, „ du staihst mit’n Mors an’n Elektrozaun..!“
Marie klaogt: „Jedet Johr dat Süfftige: Wat schenk ick mien Clemens denn maol?“ “Schenk dien Kerl doch´n Bouk“, sä Minao tou ehre Naoberschke. „Nä, dat gaiht nich. Ein Bouk hätt hei all..!“
Marie frogt ehre Mamm´: „Maokt Häuhner uck Urlaub?“ „Wi kummps du denn dorup?“
„Ick häbb nur hört, wi Papp´n tou us Fieni sä: „Laot dei olle Henne man verreisen, dann maok wi us´n poor schöne Daoge..!“
Marie tou Sefa, ehre Naoberschke: „Wat harn gi dor gistern dann för´ne Fier bi jou uppe Terrasse. Gi wörn ja aal düchtig an danzen…“ Sefa: „Von wegen danzen – mien Kerl köm besaopen in un hätt dei ganzen Immenkörwe ümmeschmäten..!“
Marie is up´n Buunhoff: “Ick wull gern rieern lern. Aower ick häbb noch ni up Perd säten.” Buur: “Dat dröpp sick gout. Ick häbb dor´n Perd, dor hätt uck noch kiener up säten..!”
Marie hört maol woller Oma klaogen: „Kind, häss du immer noch nich den Richtigen funn´n?“ Marie: „Worüm schall ick dorup täuben, solange ick mit aal dei Falschen noch so väl Spaoss häbb.?!“
Tina tou ehre Freundin Marie: Wieso kriggs du immer dat richdige Geschenk tou dien Geburtsdag? “Ganz einfach, drei Daoge vörher fang ick an in Droom tou schnacken..!”
Un: “Schnackt dien Kerl denn uck in´n Schlaop?” “Nä, leider nich – dei Schuft lacht blots..!”
Marie, Marie – wat sünd gi doch för Lüe..!