Bi us tou Huus in Paddewat…’

Wo is dat dann – denkt Gi bestimmt. Dat sägge ick nich. Denn sons häbb ick Jou aal vörn Huuse staohn un mit miene Ruhe is et vörbi. Ick vertell Jou leiwer wat ut use Gägend, dann käön Gi Jou sülwes ein Bild maoken.

Jede Wäken eine neie Geschichte äöwer:
. . . . .  .‚Bi us tou Huus‘, ‚Use Kläönschnacker‘ . . .
. . . . . . . . . un ‚Wo heitde dei noch..?‘ > > >

‚Bi us tou Huus…
Hier vertell ick ut mien Läben un ut use Naoberschupp. Heidebuurn, dei sick in fräuheren Johren mehr recht un schlecht dorschlaon mössen. Dei Tied wör hart, et güng mitünner recht raubeinig, man kann uck reuklos säggen, tou. Aower wi heit dat so schön: Man mott sick tou hölpen wäten…

‘Use Kläönschnacker’

Die Kerls dröpen  sick jümmers  inne  Wirtschaft  bi Poulmanns.
Paul, dei Wirt, huusde mit Marie, eine öllere un resolute Sodaolin, tousaome.
Dei Stammgäste sünd aale ‘n Tacken öller: Brow BerndPintkendraihers Hermann, Plietschken Fennand, Kröttken Jan,  un einige mehr.
Dei Schnackerei wör eiher mehr Targereie. Sick wekke tou toustäken, un dat nich immer up dei feine Ort, hörde nu maol dortou…

Dei Froulüe möken Kaffeekränzchen...
So dröpen sick maondaogs nömmdaogs bi’n Köppken Kaffee: Pastors Liese, Kütemeiers Agnes, Braohms Hedwig, Kitzken Libett un Pöltz Hilde: “Wenn leipe Tungen sägget, dat wi tratscht, dann sünd dei neidisch!  Wi willt blots wäten, wat es Neies giff!”

Jung un Old – sünd dat twei Spraoken..?
Wenn sick vandaoge öllere mit jüngere Lüe ünnerhollt, hört sick buld so an, as wenn dat twei ünnerschiedlicke Spraoken sünd…
Dei Ölleren schnackt am leiwsten aower fräuher un drückt sick dorbi faoken tweidütig ut.
Jüngere bruukt dorgägen gern wat afköttet, off dat, wat mehr utländisch kling.
Wat dor för´n Mischmasch bi rut kaomen kann?

Wo heitde dei noch..?

Immer draopt sick Lüe, üm sick’n bäten tou ünnerhollen un sick wat tou vertellen…

Dormit disse G’schichten – Däönkes, Lieder, Täöge –  un wi man’t uck nennt, nich vergäten werd, häbb ick se upschräben.
Deilwiese häbb ick mien Schmeer dor uck toubidaon. Ick häbb mi dacht, wenn’t nümms kellt, dann bruukt et doch uck nich so genau tou stimm´n – Hauptsaoke, dat kling gout..!

Aower laot sick kiener angräpen feuheln: Wenn sick dor einer bi miene G´schichten woller find,  dann is dat rein toufällig un hätt nix mit miene Vertellsel tou doun..!

Hört et Jou maol an…