Kategorie: Wo heitde dei noch

Wo heitde dei noch

Dei Sünnerutstattungen…

Sünnerutstattungen… 25. Jan. 25 – KW 5/25

Van mien Brouer August häbb ick väl Ideen un uck G’schichten för miene Sammlung krägen. Hier is eine dorvan:

Bolten Bernd har siene Buureie dichte bi Bräm’n. Sien Hoff har hei plietsch up’n Stand, un nu har hei sick uck ein neiet Auto köff. Dei Vertreter har üm uptelld, wat so’n  Auto aal kunn, un Bernd har’t affnickt.
Hei wör annerförsick’n gansen Ruhigen, aower as dei Räknung köm mit dei „Aufpreise für Sonderausstattung“, wüdd hei d’vergrellt bi.
Teuw eis, dachde hei bi sick, jou krigg ick uck bi d’ Büx. Rein toufällig har einer van dei hohen Herrn van dei Autofirma, bi üm näbenan ’n lütt Buuerei, un sick van üm’ne Kouh köff…

 Also baude hei sick uck so’n Räknung tousaome:

Kuh – Standardausführung -Grundpreis…………………….4.000,–   DM
-zweifarbige Ausführung (schwarzweiss)-Aufpreis……………500,–   DM
-Rindlederbezug………………………………………………….300,–   DM
-Milchbehälter für Sommer- u. Winterbetrieb………………….200,–   DM
-4 Zapfhähne zu je 50,– DM…………………………………….200,–   DM
-2 Stoßstangen, verhornt zu je 50,– DM……………………….100,–   DM
-Fliegenwedel, halbautomatisch………………………………..100,–   DM
-Düngevorrichtung – BIO-Ausführung………..…..……………100,–  DM
-Allwetterhufe, vierfach…………………………..………..…….100,–  DM
-Zweikreisbremssystem (vorne und hinten)…………………..800,–  DM
-mehrstimmige Signaleinrichtung………………………………200,–  DM
-verschließbare Halogenaugen………………………………..300,–  DM
-Vielstoff Futterverwerter………………………………………2.500,– DM
= Totalkuh in gewünschter Ausführung………………….9.400,– DM

Na wenn dat kien Sünnerangebot is…

Bi us tou Huus...

2025

Glück sängs Nei Johr 2025

Wat wör gout, wat gaiht bäter?
Wenn dat olle Johr gout wör, frai di up’t neie; wör’t dat nich, dann eiers recht…
Vergäten käönen heit, mit dei Erinnerungen doran in Fräe tou läben…
Man kummp bäter dör’t Läben, wenn dat Hart ‘n bäten weiker is as dei Kopp..!
Aals bruukt man nich wäten un Geheimnisse sünd noch kiene Wunner…
Phantasie is oft wichtiger, at aals tou wäten…

Jeder möcht dei Menschheit  bätern, aower  kiener fang bi sick an…
Dat giff soväl goue Vorsätze. Man bruukt se nur noch ümmesetten…
Schuuw nich aals up morgen, denn wenn di dat Spaoß maokt, kanns et morgen jo woller doun…
Wat man nicht meistert, mott man beherrschen…
G’scheite moss aowertügen – Dumme moss aowerräden…
Klouke Menschen maokt nich aale Fähler sülwes. Sei gäwt uck ännere dei Chance dortou…
Man schall dei glieke Dummheit nich nochmaol  maoken – dei Utwaohl is doch so grot…
Menschen sünd wi Schallplatten: Gout upgeleggt, kaomt se am bessten aower dei Runnen…
 Dat Benähmen is’n Speegel, wi’t van innen utsütt…
Wohr denn richtigen Affstand, wenn du einen schnell dichter kaomen wullt…
Dei Leiw mag blind wän, aower dei Eifersucht sütt touväl…
Vör’e Ehe hollt dei Oogen aopen, inne Ehe drück se eis öfters tou…
Sick sülwes tou bekriegen, is oft dat Schwörste. Sick sülwes tou besiegen, dat Allerschönste…
Man schall nich den Mund tou vull nähmen – bi’t Räden un bi’t Äten. Dat bewohrt ein’n vör Arger un  Gewicht..
Undankbor is deijenige, dei wat för’t Nixdoun krägen hätt un för dei süfftigen Bedingungen mehr häbben will…
Un statt tou klaogen, dat wi nich aals häbbt, wat wi wullen, schulln wi leiwer dankbor wän, dat wi nich aals krägen häbbt, wat wi verdeint harn…

Social Media Auto Publish Powered By : XYZScripts.com