Wat man so beläwt… KW 21/26
„Mott ick för dei Kinner uck betaohlen?“ frög dei Frou denn Schaffner. „Ünner sesse nich“, kummp dei Antwort. „Gout“, sägg dei Frou, „ick häbb nur fiewe…“
„Lessde Nacht har ick‘n komischen Droom“, vertellde Bernd denn Doktor,“ick wörn Bulle un har‘n gansen Hoopen Hai fräten“.
„Na un“, sä dei Doktor, „dat is doch nich schlimm“. „Doch, doch“, sä Bernd, „nächsden Morgen wör dei Matratze los…“
Twei Buurn gaoht inne Stadt spaziern. Eine Frou kummp vörbi un eine dicke Parfönwulke schwäwt achteran.
„Ick wull maol gern wäten“, schnüffelde dei eine, „wat dei wull fräten hätt…“
„Ick häbb leider jou Katte äöwerfäuhert“, kummp ein Autofohrer bi Harms an. „Natürlich mott un will ick di dei ersetten…“
„Dann kumm man fors mit inne Schürn“, sägg Harms, „kanns fors anfangen, Müüse tou fangen…“
Dat is`n Drömer… „Wat häbb ick van Nacht drömt, dei ganse Nacht – un dat aals up Englisch“, klaogd Bernd. „Wat häss denn drömt?“ fraogt Jan. Bernd: „Wat weit ick. Ick kann kien Englisch. Häbb doch kien Wort verstaohn..!“
Jan tou Bernd: „Wi biss du tou so‘ne Frou kaomen?“ Bernd: „Per Anhalter!“ „Wi gaiht dat denn?“ „Gans einfach, ick häbb üm ehre Hand anholln..!“
Hein wedd fraogt, wann hei dann dei fliegenden Ünnertassen seihn har. „All veier Wäken nao dei Hochtied“, mennde hei.
Hubert maokt toun eiersden Maol Urlaub up ‚n Lanne. Dor kann man uck‘n Perd för‘t Riern utleihn‘n. „Wi lange kann ick dat beholln?“, frogt hei nao. „Dat is gans ünnerschiedlick“, mennt dei Buur, „dat aowerlaot wi immer dei Peer..!“
Wenn dat man gout gaiht.?!