Häbbt dei Richter richtig richtet.. KW 36
Dann häbb ick noch´n poor Daoge länger miene Ruhe…
Eine resolute Frou stünd vör Gericht un har dusend Uträden, worüm sei woller klaut har. Denn Vörsitter wüdd´t tou bunt, hei sä: „Mi reicht´t, immer woller dat Süfftige. Fakt ist, 2 Döüsen klaut. Dat giff 2 Wäken Dauerarrest!“
Achter inne Bank seet ehr Kerl. Hei har sons nich väl tou säggen un dachde: Jetzt wedd‘t Tied. „Herr Richter, Herr Richter“, wiesde hei up, „dat will ick noch man sägggen: Lessdens hätt se uck noch ‘ne Kiste mit 24 Flaschen Beier klaut. Gäw ehr man drokke dei 24 Wäken toubi..!„
Laot dei wat doun…
Ein Kerl schall bi‘ne Bank inbraoken häbbn un sitt in Untersuchungshaft Siene Frou schriff üm, off sei all denn Gorn ümmegraoben schall, wo dei Kartuffeln rinschäölt. „Üm Gott´s Willen, blots nich“, schriff hei trügge, „dor häbb ick jo dat Geld vergraoben..“.
Nao‘ne Tiedlang schriff sei woller, dat dei Polizei wull denn Breif läsen hätt un denn ganzen Gorn ümmegraoben hätt.
„Siehste“, schriff hei dunn woller trügge,“nu kannste Kartuffeln planten…“
Hinnerk staiht woller vör Gericht… „Ein Geständnis werden wir strafmildernd berücksichtigen“ hörd hei. „Jao-jao“, giff hei trügger, „denn Schnack kenn ick. Dor bin‘ck all maol up rienfalln.“
Guste is anklaogt, aower änner Lüe Gerüchte inne Welt sett‘ tou häbbn. Dei Richter fraogt ehr nao ehrn Familienstand. Sei blinzelt üm an: „Ick bin immer noch tou häbbn, wenn gi dat mennt…“
Dei sünd utknäpen… In Gefängnis hätt et ’ne Panne gäben un einige Gefangene sünd utbüxt. Nao poor Stunnen hätt Heini, dei neie Wärter, dei woller infangen. Dei Upseher fraogt üm, off alle taihn woller dor sünd..“Wieso taihn“, fraogt Heini trügge, „wi häbbt aower mehr mitbrocht..!“
Korl wörn gansen Schlauen…Hei dachte sick, wat Heini kann, dat kann ick uck un har sick as Upseher bi’t Gefängnis vörstellt. „Na, wi is dat“, wedd hei fraogt, „kaomt gi uck mit schwierigen Gefangenen tourecht?“ „Dat is äöwerhaupt kien Problem“, mennt Korl gans dröge, „wer nich pariert, flügg rut..!“
Naja, dann is doch aals vörnänner!