Up jeden Deckel passt’n Pott..!’ KW /26
22.6.26 – Hätt klappt = is upfalln. Et heit: Up jeden Pott passt’n Deckel, et gaiht aower uck mit: För jeden Deckel giv et ein Pott.
Wat sä dei Bürgermeisterup up dei Fraoge, wat üm am schwörsten füllt: „Dumme Fraogen stellen kann jeder, aower up schlaue Fraogen dumme Antworten gäben, dor hört all mehr tou..!
Wat sä dunn dei Reporter tou den Bürgermeister: „Ick wüss’t jo wull. – Et reicht anschien’ nao nich, Blödsinn tou schnacken, man mott uck inne Politik gaohn..!“
Un dat sä Opa immer: Suup di vull un frät di dick, aower holl dien Muul aower dei Politik!
Wat sä dei Frou, as ehr Kerl an ehr rümme nörgelde: „Fräuher har ick di van Harten gern. Nu liggs mi quer in’n Maogen..!“
Wat sä dei Kerl, as siene Frou üm sien Fähler maol woller vörhüllt: „Gi Froulüe häbbt doch ‚n schlecht Gewäten, gi vergät’ nix..!“
Wenn Mannslüe sick nao dei Hochtiet so verholln, as in dei Verlobungstied, dann geew dat halw so väl Scheidungen – aower doppelt so väl Pleiten..!
Wat sä man fräuher, wenn man feinet Wich draopen ha:„Ick häff ‚ne schöne Breifmarkensammlung. Wullt dei maol seihn?“
Wat sägg man vandaoge:„Ick häff mi’n neien Wecker köfft, wullt du denn morgen fräuh maol klingeln hörn?“
Wat sä Opa, as dei Enkelin van himmlische Liebe schwärmde: „Himmlisch? Sowat is gefährlich. Dat is wi bi Sternschnuppen. Touers bisse sien Stern. Un naoher bisse üm schnuppe..!“
Wat sä dei Junggeselle, worüm hei nich hieraoten wull: „Ehe is doch nur ein Verseuk, Probleme tou lösen, dei ick gornich häbb..!“
Wat sä dei Köster, as hei aower dei Ehe vertellen schull: „Unverheiratete sind ledig. Verheiratete erledigt..!“
Wat sä dei Frou, at man ehr frög, wie man up eine langjöhrige Ehe baun kann: „Bi mi wörn dat twei Bäuker – dat Kaokbouk van Mouder un dat Scheckbouk van Vadder..!“
Wat sä dei Kerl, as man üm vertellde, wat hei in besaopen Kopp sägg har:„Alkohol mott wat mit Froulüe tou doun häbben. Wenn man dor touväl van krigg, schnackt man dummet Tüg..!“
Un wat sä Sokrates: Dei Klouke lernt ut van Aalen un van Jeden. Dei Normaole ut sien Erfohrungen un dei Dumme weit aals bäter!